اشتوكة آيت باها.. “جوندارم” مدينة أكادير قدروا يشدوا العصابة اللي اقتحمت ڤيلا فاخرة بمدينة بيوكرى

العناصر ديال الدرك الملكي و بتعاون مع البوليس قدروا البارح الجمعة 6 نونبر 2020، من توقيف سيارة فمدينة أݣادير كان على متنها جوج من عناصر العصابة لي كانو اقتحمو نهار الأربعاء 3 نونبر2020، ڤيلا فاخرة بمدينة بيوݣرى .

وبفضل التحريات و الأبحاث الدقيقة اللي باشرتها عناصر الدرك الملكي تمكنوا من تحديد نوع ديال السيارة و تمكنوا من تتبعها قبل ما يتم التوقيف ديالها فمدينة أݣادير ، بالرغم من أن العصابة زورات الترقيم ديال السيارة .

الدرك الملكي ديال الدراركة احتفظ بالموقوفين باش يكملو معهم التحقيق اللي كتشرف عليه النيابة العامة ، وقاموا أيضا بتوقيف واحد الشخص بحي التوامة بيوݣرى من بعد ما تبثت التحقيقات المشاركة ديالو فاقتحام الڤيلا الفاخرة لي فدخلة دمدينة بيوݣرى