ثقافه تعامل..

فى جو وصحبه كان حوار عن الحب وعلاقه الرجل بالمرأة, الحوارت والاراء كانت شيقه فوق الوصف ومن القلب, وهى من اهم علامات نجاح المناقشه والتحاور, كان كله ب بسمه و ايجابيه, وكلام تأثر بيه الفكر ومراجعه النفس فى فهم كيفيه التعامل مع الشريك…

ممكن اراءنا لا تتفق, ولكن هى دي العلامه الصحيه لبدايه حوار للوصول لنقطه بداية للتواصل وفهم الاخر واحتياجاته..
كل واحد له طريقه للتعبير عن الحب, لكن ممكن ماتوصلش للطرف الاخر صح, لان احتياج الاخر وطريقه شعوره بالحب مختلف..

بمعنى كلمه احبك لا يختلف عليها اتنين, ولكن التعبير بالحب يختلف من كل واحد عن التانى , فى اظهار شعوره بالحب واستقبال الطرف التانى له..

الحب هو هاله رومانسيه مليانه عواطف وأحاسيس بتغلف حياه اتنين فى اوقات كتير بتعمى حقيقه واختلافات كتيره مابينهم, اللى بتعيش منها بتعمر والحب بيكمل.. لان معظم العلاقات خلافاتها كتير, حتى مع وجود الحب! ده ناتج عن عدم وجود حوار لإدراك فين الاختلافات التى تؤدى لخلل العلاقه, وكتير من الحلول موجوده, لكن لان ماحدش بيسمع التانى فابتالى العلاقه بتتباعد, وينطفىء حراره الحب ويلهو كل منهم فى حياته تحت سقف العشره..

الحوار وانى اسمع الاخر, من مفاتيح علاقه مستقره.. اكيد خوفي على شريكى بيزيد الامان الصداقة تساوى نجاح العلاقه
ايه هو الحوار وليه اسمع!
الحوار بدايه توضيح احساس, فعل, احتياج, رفض,او طلب وممكن تقويم موقف وتعديله!

فى اوقات كتيره الاتنين بيخافوا من قول ايه عاوزه من التانى, خوفا انه يزعل او يعتقد انه بيجرحه بطلبه او ممكن بيتحرج منه.. وفى ممكن كبرياء يمنعه من طلب احتياجه!

ليه اسمع مهم, لأنه بيقصر طريق وبتفهم احتياج واعتراض الاخر, ويقل معاه المشاكل, والحوار بيدي فرصه لنجاح العلاقه..
اختيار الرجل والست لبدايه علاقه مهم بإنهم الاتنين اختاروا مشاركه هذه الحياه سوا و لازم ان تكون لها اسس تتبنى عليها, وده بيجى من التوافق وانجذابهم لبعض وصدق الحوار والتعامل, لان الاساس ده هو محور حياتهم ونجاح وجودهم فى حياه واحده..

وان صحيح الحب ليس له اختيار او هويه!! لكن..
بالحب والاحترام والصراحه ومصدقيه التعامل تولد الثقه التى بها تنمو العلاقه ويشتد بها أساسات العلاقه, لذا من الضرورة فى حاله وجود اختلاف وهو وارد وطبيعى, ان الكلام بصراحه للوصول لنقطه الاتنين يوافقوا على تفهمها, وازى يتعاملوا معاها ده مهم لتكون علاقه صحيه لتخطى ضغوط الحياه..

فى اوقات الست تتفانى فى عمل كل حاجه للراجل وفى الاخر؛ ده مش هو اللى عاوزه
والعكس ان الراجل يعمل للست حاجات كتير وهى مش شايفه “وانه بيعمل ايه يعنى” وترجمة لها انه واجب؛ لان احتياجها منه بالإحساس بالحب مختلف
مهم تتعرف على شعور حبيبك هو بيحب ايه علشان تعرف توصل له حبك صح

من اهم النقط فى تقارب العلاقات, المشاركه فى ما بينهم من مواضيع كل واحد منهم, واعطاءه الوقت, ومشاركته فى اهتماماته حتى لو مش متعود عليها..
الصعب فى العلاقات هو اختيار اتنين طباعهم وخلفيتهم مختلفه, اختاروا يدخلوا حياه واحده هى جمعتهم واللي الف قلوبهم هو الحب, وهو البدايه لحياه جديده, كانهم يتولدوا من جديد, ببدايه رحله اتنين بيعيشوا حياه واحده بحلوها ومرها..
ضرورى لتخطى صعاب الحياه يخطوها بخطوه واحده, بمشاركة حياه واحده بتقارب وتفهم وبحب وتسامح..

من اندر العلاقات ان تتلاقى مع توأم روحك.. وهنا درجات التلاقى تفوق توارد الخواطر بالفهم والعشق حتى الاختلاف يدوب بتسامح الحب الغامر بالتقدير والاحترام وصدق الكلام والمشاعر المبنى على صراحه حوار وصداقه..
وهو من اسمى درجات الحب ويعتبر العشق وايضا من العلاقات البوند فيها صعب ان يهتز..

العلاقات واختيار دخول شريك فى رحله حياتك هى مسؤليه يجب مراعاه شعوره واحتياجه وطلباته, لانه مش حق مكتسب وجوده, وانه انسان له كيان وشعور, وان بوجوده حياتك تاخذ مجرى مختلف و تتمحور حوله وان احتياجك له بالمثل منه, والمشاركة متساويه من الاتنين, والحب يغلف العلاقه لان مهم توصيل الحب للأخر, والتأكد بوصوله بطريقه يرضى بيها, لان بموت الحب تتحول العلاقه لأسامي صعبه كتير, واستمراريتها ليس له معنى و ماهو إلا تعود, او بكلمه اخرى عشره ورحمه وهى لعدد السنين..

ممكن العشره فيها موده وهو اسم من الحب, تكون العيشه جميله والعلاقة صحيه بتفاهم وراحه.. ودى علاقه يصح الاستمرار فيها لانها صحيه..
ولكن

اذا كانت العلاقه ميته من غير تفاهم ولا راحه والحب مات ومجرد سنين تمر علشان العشره, فهى علاقه غير صحيه لانها علاقه موت, بموت المشاعر, وممكن يتخللها الاهمال والخيانه والاذيه والاحساس بألم نفسي, ولكن كتير يتناسوه لاستمرار الحياه ودى اصعب العلاقات..

تقيم العلاقات لها حسابات ومعايير شركاءها هم القادرين على تقيهما واخذ قرارت على حسب الظروف..
العلاقات بجميع انواعها تعيش فى جو سليم وصحى لو مقوماتها سليمه ومغلغلها ومغلفها الحب..
الحب له سحر وجمال يدى الحياه بهجه وايجابيات للاستمراريه بحيويه لمواجهة ضغوط الحياه..

العلاقه المبنيه على الصراحه, والكلمه اللطيفه وحميمه العلاقه تعيش وتنتعش فيها, واعتبار حبيبك ملجاءك و صديقك, دى تعتبر من انجح مقومات العلاقات اللى تدوم بحب وعشق وراحه وموده وعطاء..
جميل اوى الحب يكون له دور نشر نور فى دروب الحياه ومنها ثقافه الحب لينبع منها ثقافة التعامل..