فستوكه تحيا بحياتك

شىء اتصنع واتحور وادس فى الحياه ليتنفسه البشر ليصبح قنبله نفسهُ وللآخر..
معاناه من وراه مأساه, كارثه بشر وحياه تحور مسارات فى المعيشه والظروف والاحساس, تأثيرات غير طبيعيه فجرت داخل البشر غيرت منهم, زاد عليهم, موتت أحاسيس فيهم, قست عليهم, لغت تلقائية المشاعر, غيرت تضاريس الحب, قلبت موازين العطاء..
التقارب والتباعد بقى عادى, الاحساس بألمهُ أصبح ساعات وقليل لو طول بقى ايام .. احساس الوجع عزاءه زرار على السوشيال ميديا, ومقياسه العدد من الناس سواء قريبه او مكتسب معرفتها, اكتساب الشعور بقى من ورا شاشه تتطفى على حسب ماتظبطها وانتهى!
كام سنه من ساعه ما إتقلب حالنا والناس حالها اتشقلب وطريقتها, عادتها وتقاليدها وثقافتها اتبدلت!!
وكمل الكوفيد على اللى ممكن كان يتقال عليه بواقى انسان عنده فطره مشاعر..
فى ناس لسه عندها المشاعر لكنها بقت مسجونه عليها طبقه شمع بيتراكم من كتير الضغوط صعب التعامل بيها..
الحياه دايما متكامله بمجموعه أحاسيس وتفاعلات وايجابيات وسلبيات ومشاعر .. الشهور الكتيره اللى فاتت قلبت لسنين, بيحاول فيها يفهم التعايش مع نفسه وحياته والآخر من وباء خبيث داخل نفسه, ميت بره ويحيى بدخوله وتفاعله جواه, من اول نفس بداخله يقلب لقنبلة تنشر مرضه لمن حوله فى ثوانى وبسرعه, وكل واحد يتحور الوباء ويتفاعل معاه على نقط ضعف جسمه, ويتمكن منها يا عاش وسلم منها يا عانى وسافر لرحلته الأبديه,
سافروا كتير اوى قريب وبعيد .. وبدءت المحازن تغزو جوانا اكتر من فرحنا, كل يوم نفقد عدد من هم حولنا, أيامنا كلها سلامتك وتشفى بعافيه او الرحمه والصبر وربنا معاك.
معنى الحياه بقى على نقطتة اخر السطر, تضيق بإحساس مش مترجم لأنك مقيد بفستوكه مش مفهومه, جرثومه فيروسيه تحوريه موجهه للقتل والفتك بتجلط دمك وتدمير نقط ضعف اعضاءك, حتى بعد النجاه تعانى لوقت مش محسوب ولا مفهوم بشكاوى مش ماشيه مع بعض!!
محاولات طبعا مدروسه من الاول بفاكسينات متعدده لإنقاذ مايمكن انقاذه من بشر فى نفس الوقت: كل ثانيه يتحور الفيروس لشراسه اكتر وتلهث وراه الشركات لمواكبه التحور على أمل انحسار الوباء..
مجموعه رافضه اخذ الفاكسين لأسباب كتيره وينتظروا ردود الفعل, وآخرين ىأخدوه من الرعب وارادتهم للرجوع لحياتهم الطبيعيه, للأسف اتنسي فى النص ان من هو مطعم ممكن يحمل المرض لغير المطعم, وبالتالي بقى هو لسه قنبله موقوته لكن الفرق انه انقذ نفسه بس!
حروب الشركات لبعض لترويج الفيروس مشكله كمان, وده دور مفهوم من قديم الأزل!
أرواح البشر بقت هى الهدف للتحكم, بدايأَ بان هزهزت اساس حياتهم بتغير أصولهم وثقافتهم وبث افكار ومعتقدات ببساطه وسلاسه فكر تمكنت من أفكارهم مع تقارب المعلومات بدخول الانترنت والصفحات الاجتماعية والمعلومات..
وايضا المنتجات الاقتصاديه السعر ملت الأسواق سهلت لتغير الشكل وليس المضمون..
توغلت فى عمق فكرهم وبدء لغى ماشاب عليه من معتقدات وعادات وتسميته بزمن قديم..
صحيح الأزمنة تتطور, لكن شايل معاك منها اللى اتربيت عليه من أصول والاحترام للأسف اللى تاه مع كل حاجه تاهت||
صفات كتير تاهت منا وعنا ومهما بنحاول, بتكون من على الوش او لوقت صغير أو بتلقد اللى حولك, والاكتر ان بتتكلم عنها ومش بتعمل بيها!
اتنسي ان من رحمه ورأفه ربنا ان غطا ستره لينا بحاجات كتيره اوى, من مزله الجوع والمرض والقهر والانكسار والبرد والوجع والضعف..
الضعف شىء صعب اوى, لما تواجهه الظروف لوحدك, ف لما يكون حواليك حد احمد ربنا على وجودهم خصوصا اللى من القلب من غير عوزه منك لحاجه! ليك لشخصك مجرده من اى مصلحه ..
زيها زى ما تضحك وروحك حلوه وانت مليان وجع مستور من الانكسار, زيها وانت بتحاول تقف وتمشي فى عز وجعك والمك وعدم مقدرتك من المرض تلاقى دفعه وقوه تقهر بيها المرض..
كتر عدد البشر عمى القلوب عن انسانيه التعامل, لغى فكر الرحمه واتبدل بالمصلحة والسيطره, متناسي انه فى ثانيه فستوكه تنهيه اوتقلب حاله؛!
تبدلت المشاعر وترجمت بزراير حتى محاربه الفستوكه تركيبتها بالزراير لمواكبه تحورها..
رايحين على فين لسه فيه تانى, لكن هو ايه مش باين!!
النفس الجميله هى اللى بتحيا وتتعايش مع نفسها, وتحاول تنور طريق لمن حولها محاوله لبث احساس جميل افتقد, بدء فى الاندثار بسبب وباء لعين دمر انسان بأهدافه الخبيثه وغيره من اهداف..

الحب والانسان هما من مفاتيح الحياه