من خواطرى الحيره بقلم منى حسن

هو كده احسن ولا كده احسن! هو ده صحيح! هو ده ينفع! هو كده غلط! طب ده ازاى كده!! وبعدين!
اسئله كتير تدور في دماغك حولين
موضوع فجاءه ظهر لك ومحتاج قرار..

الموضوع محتاج قرار, ولكن محير وصعب مليان تضادات, حاجه كويسه وحاجات وحشه, حاجات صعبه واحيانا سلسه, الكفه مش متساويه, لكن في عوامل تانيه دايما تدخل في مواضيع القرار لان في ظروف لها استثنائات وتأثيرات ساعات تضغط على مسار تفكيرك..

اى موضوع بيكون له جوهر وأبعاد واحتمالات وأسباب وتقيم متناقضات واحيانا العوامل الانسانيه عادهً هى دي بتّدخل الانسان فى حيره..

فى مواضيع بيكون صعب فيها الفكر والقرار, زى لو بيتعلق بحياه انسان مثلا او بصفقه فى معاملات ماديه او فى علاقه ما, وساعات كتير ممكن فى الحياه اليوميه العاديه وخصوصا بعض الناس اخد القرار بيكون صعب عليهم..
الانسان بطبيعته بيحب يتسأل, وفى حياته دايما من احداث بتحصل بيكتسب خبره فى التعامل مع نفسه وكتير من مواضيعه يقدر يقيمها وتعدى بسلام.. لكن فى مواضيع ساعات يتحط فيها تبرجل حياته او نظامها, تأثر على ذاته وتؤذيها, وتغلوش على تفكيره, ويمر بيها كأنه كابوس تقيل مش لاقى له مخرج!!

يحتار بتفكيره, تتبرجل حياته, كتير ممكن يعانوا وآخرين ممكن يمرضون..
الحيره شئ مرهق نفسيا ومعنويا..
نسبه كبيره بيعانوا من الحيره حتى فى القرارات البسيطة, ممكن لقله الخبره او لضعف الشخصيه او لعدم تحمل مسؤليه او إجهاد نفسي او احتماليه وجود ظروف محيطه كتيره ممكن تأثر على اتخاذ قراراتهم, احيانا تدخل الانسان الاخر يؤدى إلى حيره..

فى الظروف الطبيعية الانسان العادى مرتاح البال, وبياخد قراراته اسهل وفقا للظروف, لكن ممكن تتبرجل حياته فى ثانيه بموقف او بموضوع او خبراو بمقابله تهز كيانه وراحه باله, وكل ده بدايته فى ثانيه..

الحيره ممكن من حاجات بسيطة, وكتير تكون قرارات حيويه حرجه تحتاج لتروى حتى لا تكون قرارات بتأثير سلبى!
الحيره الاحساس بها ممكن تولد طاقه سلبيه اصلا وتفاعلات نفسيه وعصبيه فجأة تظهر الانسان. على غير طبيعته ويتعايش بهذا الاحساس إلى أن يوصل لنتيجة وقرار تهدأ بيه نفسه واحيانا معايير سلوك شخصيتة تتا ثر..

أراء الغير ممكن تزيد من تأثير الحيره او بقرار منهم ممكن يبرجلوا الموضوع, لأسباب ان الانقياد لفكر شخص مختلف ليس بنفس الفكر او احساسه بالموقف بيكون مختلف, ده من الأخطاء لانها ممكن تؤدى لفقد فرص او الحكم غلط وان كتير بتكون آراء ذاتيه الا لو مر بتجربه مماثله او حكمه على الامور محايده ان كل ظرف له حكمه ومقياسه..

الانسان يمر بمواقف كتيره فيها الحلو وفيها المتعب والمليان آسي وفيها الحيره والضحكه والدمعه ولكن ازاى تتعامل معاها ده اللى بيفرق.. ممكن تشقى وممكن تكون راضى وسعيد ومتعايش!

ان الحياه لها احكام من اهم الحكم ان دوام الحال من المحال كلمه من كلامات آنتىي ومن خبراتها فى الحياه..
وه حقيقى لان الحياه تستمر وبعد العناء تتبدل بالسكينه ومن هنا نتكاسل الخبرات ونتفائل..
مصريه