“من خواطري: الأمان والسكينة” بقلم (منى حسن)

ايه هو الامان والسكينة …معناها ايه بتحسها وترجمها ازاى!

الامان حاجة كبيرة اوى ان البنى ادم يبقى دايما حاسس بالامان فى حياته بتديله رسوخ فى حياته بتديله قوة بتديله هدوء, والسكينة بتمد سكينة نفسه هدوء مع حياته, هدوء وتناغم نفسى وفكرى, هدوء فى تعاملاته هدوء فى تفكيره هدوء فى أسلوبه وردود افعاله..

هل احنا عايشين فى هدوء وسكينة هل احنا شايفين ان تصرفات البشر مع بعض بيدى امان بيدى اوسكينة, مفيش حاجة توحى بامان وسكينة, في من البشر عنده انانية, حب ذات, بيعبد نفسه, بيعظم نفسه, بيشوف نفسه من غير مراجعه ومراية للاسف, ولو شاف نفسه فى مراية بينكر صورته..

اوحش حاجة ان البنى ادم يعتقد ويصدق او يبقى راضى بحياته وراضى باللى حواليه وراضى بالتعاملات وراضى بوجوده وهو أصلا في الواقع السلبى ويتعايش بيه

الظروف اللى من نوعيه البنى ادم ده بيتعامل بيها ويعيش بيها دايما, ساعات بتحطه فى مواقف بيدى احساس انه ضعيف لكن ضعفه ده بيكون قوة للتامل للدراسة للفهم للتكيف للتعامل حتى يكون حكيم في حكمه لدخوله في حياه بفكر مختلف معكوس للأسف.. ممكن يبقى بسطحية او ملتوى بخبايا لها عواقب نفسيه وفى نفس الوقت بيكون فيه اهانة وجرح وحزن لعدم المقدرة للمواكبة, بيتج عنه احساس بخيبه امل من تبلد شعور محيطه من غطرسه نفسه والانانيه المعميه ومع الاحداث اللى ممكن تكون غير دنيته او ضد طبيعتة كابنى ادم عموما..

طبيعى ان البنى ادم دايما مفروض عليه احداث فى حياته قليل لما يقدر يحدها ويحجمها, ويتحط فى اوضاع ماتكونش سويه سواء من اذى او فيها حاجة بتضايقه,لان هى ظروف وابواب كتيرة اوى من الحياة بيدخل جواها, لكن دايما يبقى عنده حاجة معينة بيدور وراها, السكينة والامان هى دى المظلة او الملجا بتاعته هى دى الدرع اللى بيتقوى جواه او بيحتمى بيه عشان يقدر يحمى نفسه من نفسه ويسترجعها بسلام

الامان والسكينة دول لازم بيتطوروا وينموا من التعاملات بمعنى مش منك او بتستمدها لوحدهك هى من تعاون من حولك اذا كانوا صادقين, وفيه الثقة من غير خيانة التعامل يكونوا فيها صريحين وواضحين مايكونش فيه احساس بالشك بمعنى تكون كتاب مفتوح من غدر او بيتعامل او فكر خبيث من وراك تحت مسميات واعذار كتيره

فيه نقط كتيرة جدا من الصفات بتبين البنى ادم اللى قدامك و لكن فى نفس الوقت ماتقدرش انك تقفل ابواب كتيرة فى حياتك لان النوعيه دى موجودة وبتضطر تتعايش معاها وهى بتعمل نوع من الضغط فى حياتك فبالتالى السكينة بتاعتك بتتاثر والاحساس بالامان مع البنى ادم او البنى ادمين بيبقى متعب

العلاقات بين الناس مهم جدا يكون فيها موده وصدق اللى تقدر تعمله قدامى تقدر تعمله من ورايا لكن اللى حتعمله من ورايا معناه انه غلط وهنا نسب الغلط بتختلف..

غلط عشان بيبقى فيه اختلاف وجهات نظر فانا مش لازم اتعامل مع الناس دول واحاول اعمل خط فى وجود هذه النوعيه لان من وجهه نظرهم ولان فكرهم ان ابقى, مش عايز يخسر او يستغل او شاطر بضمر سوء من جوه واظهارالحب.. اى حاجة ممكن تكون لكن هى فى الاخر غلط لان فيها نوع من انواع الكذب ومش بس كذب, ده نوع من انواع الخيانة, خيانة عهد خيانة كلمة, خيانة موقف,خيانة تعامل خيانه صداقه, خيانه حياه..

هي في الاخر غلط تحت اى مسمى او ظرف

اوحش حاجة فى الدنيا قلقلة السكينة, سكينة النفس كنز وهبة ولما بتكون جواه دى بتبقى عطية من الله انها موجودة..

فهل ياترى لما تتسحب سكينة النفس تبقى العيشة عيشه.

من غير الامان والسكينة خسارتها تفصلك عن روحانياتك تنزلك على واقع مش صحى اليم تدخل فى عالم بتشوف فيه قبح ماتحبش تتعامل معاه

ماهيه دى نفوس البشر مش سوية لانها سمه البشر.

اهم حاجة انفصل عن الواقع بدرجه اعلى بنظره فيها تفهم لما يدور حولك لكن خلى امانك وسكينتك, احميها غطيها بدرع جامد ماحدش يقدر ياخده منك عشان ماتدخلش لعالم مرفوض وعيش في واقعك ووجودك..

مصرية